STQARRIJA MILL-MINISTERU GĦALL-AFFARIJIET EWROPEJ U L-UGWALJANZA
-
Il-Ministru
Edward Zammit Lewis jilqa’ l-aħbar li l-President nominat tal-Kummissjoni
Ewropea Ursula Von der Leyen assenjat il-Portafoll tal-Ugwaljanza lil Dr Helena
Dalli.
Din hija l-ewwel
darba li l-Kummisjoni Ewropea se jkollha kummissarju responsabbli
mill-ugwaljanza b’mod partikolari, u allura dan il-qasam tant importanti għal
Malta u għall-Unjoni Ewropea ser jingħata l-prijorità li tixraqlu, u dan
fil-kuntest tal-viżjoni ambizzjuża li għandha għall-ugwaljanza Von der Leyen.
Fil-kuntest
tas-suċċess li kisbet Dr Dalli f’dan il-qasam fl-aħħar sitt snin, meta poġġiet
lil Malta fuq nett tal-indiċi Ewropej u dinjija, din l-aħbar tawgura tajjeb
għaċ-ċittadini kollha tal-Unjoni Ewropea bl-istess mod li tagħmel unur
għall-Maltin u l-Għawdxin kollha.
“Se naħdem
mill-qrib ma’ Dr Helena Dalli biex fuq livell lokali, Ewropew u dinji, Malta
tibqa’ teċċella fil-qasam tal-ugwaljanza waqt li se naħdem qatigħ biex flimkien
neliminaw l-inugwaljanzi li jippersistu f’pajjiżna”.