Il-Politika Lingwistika għas-Snin tal-Primarja f’Malta u Għawdex

KONSULTAZZJONI MAGĦLUQA

Mingħand:	Ministeru għall-Edukazzjoni (L-Aġenzija Nazzjonali tal-Litteriżmu)
Ippubblikata:	17 ta' Frar 2021
Tagħlaq:	30 ta' Ġunju 2021
Aġġornata:	1 ta' Lulju 2021

1. Sfond

Dan id-dokument ta’ konsultazzjoni huwa mibni fuq il-rakkomandazzjonijiet fil-Profil ta’ Politika Lingwistika għall-Edukazzjoni (2014) tal-Kunsill tal-Ewropa. Din il-politika lingwistika hija msejsa fuq ir-rakkomandazzjonijiet mogħtija fil-Politika Lingwistika għas-Snin Bikrin (2016) li jaħsbu biex it-tfal kollha jingħataw l-opportunità jiżviluppaw il-ħiliet tagħhom kemm fil-Malti kif ukoll fl-Ingliż. L-iskejjel primarji għandhom jingħataw is-sapport meħtieġ sabiex jiżviluppaw il-politika u l-istrateġiji lingwistiċi tagħhom u hekk jilħqu l-bżonnijiet tal-istudenti tagħhom fl-isfond tal-qafas tal-Politika Nazzjonali u f’konformità mar-rakkomandazzjonijiet tal-Qafas tal-Kurrikulu Nazzjonali (2012) u l-Qafas għall-Kisbiet mit-Tagħlim (2016). Il-għan ġenerali ta’ din il-Politika huwa li tippromwovi u ssaħħaħ il-bilingwiżmu tat-tfal kollha fis-Snin tal-Primarja (ta’ bejn 7 u 11-il sena). Id-dokument jagħti rakkomandazzjonijiet lit-tfal, il-ġenituri, l-edukaturi, l-amministraturi tal-iskejjel u l-edukaturi tal-għalliema fuq kif għandhom irawmu l-bilingwiżmu fis-Snin tal-Primarja. Dawk kollha kkonċernati għandhom jaħdmu flimkien sabiex jiżguraw li t-tfal kollha jiżviluppaw il-ħiliet tal-lingwa tgħhom kemm bil-Malti kif ukoll bl-Ingliż.

2. Dokumenti

Consultation document - Il-Politika Lingwistika.pdf

3. Sottomissjonijiet

Ir-risposti ntbagħtu permezz ta’ wieħed minn dawn il-metodi:

Billi timla l-formola onlajn.

Bl-imejl: lara.ann.vella@ilearn.edu.mt

Bil-posta: L-Aġenzija Nazzjonali tal-Litteriżmu,
Il-Ministeru għall-Edukazzjoni,
  Iċ-Ċentru Nazzjonali tal-Kurrikulu,
  Triq Ġużè Abela Scolaro,
  il-Ħamrun, ĦMR1304

Is-sottomissjonijiet waslu sat-30 ta' Ġunju 2021.

Grazzi tal-interess u tas-sottomissjonijiet tiegħek.

Dikjarazzjoni dwar il-Protezzjoni tad-Data ir-Regolament Ġenerali dwar il-Protezzjoni tad-Data u l-Att dwar il-Protezzjoni tad-Data (Kapitolu 586)

Ir-Regolament Ġenerali għall-Protezzjoni tad-Data u l-Att dwar il-Protezzjoni tad-Data Kapitolu 586 jirregolaw l-ipproċessar tad-data personali kemm jekk miżmuma elettronikament kif ukoll jekk f'forma manwali. Il-Ministeru għall-Affarijiet Ewropej u l-Ugwaljanza jiġbor biss l-informazzjoni li hija meħtieġa biex iwettaq il-funzjonijiet maħsuba tiegħu u huwa stabbilit li jikkonforma bis-sħiħ mal-Prinċipji tal-Protezzjoni tad-Data kif stabbilit fil-Leġiżlazzjoni dwar il-Protezzjoni tad-Data. Verifika tan-numru ta' identifikazzjoni pprovdut se sseħħ kif jitqies meħtieġ. Id-data personali kollha pprovduta se tiġi pproċessata skont ir-Regolament Ġenerali dwar il-Protezzjoni tad-Data u l-Att dwar il-Protezzjoni tad-Data (Kap. 586).

Barra minn dan t’hawn fuq, tajjeb tkun konxju ta’:

· L-iżvelar ta’ dokument bl-Att dwar il-Liberta’ tal-Informazzjoni (Kap. 496)

Bħala Awtorita’ Pubblika kull dokument miżmum għandna, inklużi dokumenti relatati mal-proċess ta’ din il-konsultazzjoni, jistgħu jiġu żvelati billi ssir talba għal dokumenti skont l-Att dwar il-Liberta’ tal-Informazzjoni (Kap. 496), sakemm it-talba ma tkunx suġġett għal raġunijiet konklużivi biex dokumenti uffiċjali ma jkunux żvelati taħt dan l-Att.

www.konsultazzjoni.gov.mt

Jekk tixtieq tmur fuq il-paġna ewlenija tal-Konsultazzjonijiet Pubbliċi għafas il-logo t'hawn taħt.