1. Sfond
Ir-reżistenza antimikrobika (AMR) tirreferi għall-abilità tal-mikroorganiżmi li jirreżistu l-azzjoni ta' antimikrobiċi, li jseħħu meta mikroorganiżmi bħal dawn (eż. Batterji, fungi, vajrusis u parassiti li jaffettwaw il-bnedmin, annimali ta’ fuq l-art u dawk akkwatiċi u pjanti) isiru reżistenti għal antimikrobiċi bħal antibijotiċi, li jagħmlu infezzjonijiet jew mard ikkawżat minn mikro-organiżmi bħal dawn aktar diffiċli jew impossibbli li jiġu ttrattati. Madankollu, meta jintużaw b'mod imprudenti dawn jistgħu jwasslu għal ħruġ u t-tixrid ta' mikro-organiżmi reżistenti għall-mikrobi, u li jwaslu biex iqiegħedu lil kulħadd f'riskju kbir.
Filwaqt li r-reżistenza batterika għall-antibijotiċi żviluppat b'rata mgħaġġla u saret theddida ewlenija, ġie osservat ukoll fenomenu fil-mod ta' reżistenza ta' mikroorganiżmi oħra għal antimikrobiċi bħal antifungali, antivirali u aġenti anti-parasitiċi. Peress li l-AMR batterjoloġika għall-antibijotiċi tikkostitwixxi l-ikbar theddida sinifikanti ta' AMR, l-Istrateġija tiffoka fuq ir-reżistenza antibijotika u ma tinkludix reżistenza antimikrobika oħra, li s'issa kienet baxxa.
L-isfida ta' l-AMR hija kumplessa u l-ebda azzjoni waħda, waħedha, ma tipprovdi rispons effettiv. Għal din ir-raġuni, l-Istrateġija hija reazzjoni transsettorjali għat-theddida ta' l-AMR f'Malta. L-attenzjoni tagħha tinsab fil-kontroll u possibilment it-treġġigħ lura tax-xejriet attwali ta' l-AMR. L-Istrateġija tistabbilixxi għanijiet li jidentifikaw l-oqsma wesgħin fejn hija meħtieġa azzjoni integrata u simultanja. Il-progress f'kull qasam huwa importanti biex jiżgura rispons komprensiv u jappoġġja l-progress lejn il-viżjoni ta' l-Istrateġija.
L-għan, l-objettivi u l-azzjonijiet meħtieġa biex jinkisbu ġew infurmati b'reviżjoni tal-letteratura nazzjonali u internazzjonali kif ukoll minn parir espert mill-partijiet interessati ewlenin. L-Istrateġija hija konformi mal-Pjan ta' Azzjoni Globali tal-WHO dwar ir-Reżistenza Antimikrobika, l-Azzjoni tal-UE dwar ir-Reżistenza Antimikrobika kif ukoll il-Leġiżlazzjoni Nazzjonali.
2. Dokumenti
3. Sottomissjonijiet
Is-sottomissjonijiet waslu sad-9 ta' Diċembru 2018.
Grazzi tal-interess u tas-sottomissjonijiet tiegħek.