Strateġija Nazzjonali dwar l-Adozzjoni għat-Tfal u l-Familji tagħhom (2019

KONSULTAZZJONI MAGĦLUQA

Mingħand:	Ministeru għall-Familja, Drittijiet tat-Tfal u Solidarjetà Soċjali (Awtorità ta’ Standards ta’ Ħarsien Soċjali)
Ippubblikata:	26 ta' Marzu 2019
Tagħlaq:	3 ta' Mejju 2019
Aġġornata:	6 ta' Mejju 2019

1. Sfond

L-Awtorità ta’ Standards ta’ Ħarsien Soċjali (SCSA) bħala regolatur tal-aġenziji tal-adozzjoni, għamlet waħda mill-prijorità tagħha li tiffoka fuq it-tfal li jkunu għaddejjin mill-proċess tal-adozzjoni. F’Diċembru tal-2018, l-SCSA nediet l-ewwel set ta’ Standards Soċjali Regolatorji għall-Adozzjoni tat-Tfal, kif ukoll Linji Gwida għall-aġenzji tal-adozzjoni akkreditati sabiex jimplementaw dawn l-iStandards. L-SCSA ħasset il-bżonn li jkun hemm Strateġija Nazzjonali sabiex tkompli tespandi u ttejjeb is-servizzi mogħtija lit-tfal u l-familji tagħhom. Din l-Istrateġija Nazzjonali għandha l-għan li tiżgura li dawn is-servizzi ta’ kwalità jkunu msejsa fuq il-parteċipazzjoni attiva tat-tfal inkluż il-ksib tal-opinjoni tat-tfal skont l-età u l-livell ta' fehim tagħhom. Barra minn hekk, jafferma l-motivazzjoni biex it-tfal jiġu kkunsidrati bħala meħlusa għal adozzjoni hija li dawn it-tfal ikunu maħbubin, imrawwma u huma megħjuna jiżviluppaw il-potenzjal tagħhom mill-familji ġodda tagħhom, meta dawn il-kundizzjonijiet ma jistgħux jintlaħqu b'mod permanenti b'ħarsien alternattiv ieħor.

2. Mistoqsijiet ta’ konsultazzjoni

X'inhi r-reazzjoni tiegħek Strateġija Nazzjonali dwar l-Adozzjoni għat-Tfal u l-Familji tagħhom (2019 – 2022)?

Għandek xi suġġerimenti oħra?

3. Dokumenti

Strateġija Nazzjonali dwar l-Adozzjoni għat-Tfal u l-Familji tagħhom (2019 – 2022)

4. Sottomissjonijiet

Ir-risposti ntbagħtu permezz ta’:

Bl-imejl: feedback.scsa@gov.mt

Bil-posta: Awtorità ta’ Standards ta’ Ħarsien Soċjali

469, Bugeia Institute,
St Joseph High Road,
Santa Venera

Bit-telefon: 2549 4474

Is-sottomissjonijiet ntbagħtu sat-3 ta' Mejju 2019.

Grazzi tal-interess u tas-sottomissjonijiet tiegħek.

Dikjarazzjoni dwar il-Protezzjoni tad-Data ir-Regolament Ġenerali dwar il-Protezzjoni tad-Data u l-Att dwar il-Protezzjoni tad-Data (Kapitolu 586)

Ir-Regolament Ġenerali għall-Protezzjoni tad-Data u l-Att dwar il-Protezzjoni tad-Data Kapitolu 586 jirregolaw l-ipproċessar tad-data personali kemm jekk miżmuma elettronikament kif ukoll jekk f'forma manwali. Il-Ministeru għall-Affarijiet Ewropej u l-Ugwaljanza jiġbor biss l-informazzjoni li hija meħtieġa biex iwettaq il-funzjonijiet maħsuba tiegħu u huwa stabbilit li jikkonforma bis-sħiħ mal-Prinċipji tal-Protezzjoni tad-Data kif stabbilit fil-Leġiżlazzjoni dwar il-Protezzjoni tad-Data. Verifika tan-numru ta' identifikazzjoni pprovdut se sseħħ kif jitqies meħtieġ. Id-data personali kollha pprovduta se tiġi pproċessata skont ir-Regolament Ġenerali dwar il-Protezzjoni tad-Data u l-Att dwar il-Protezzjoni tad-Data (Kap. 586).

Barra minn dan t’hawn fuq, tajjeb tkun konxju ta’:

· L-iżvelar ta’ dokument bl-Att dwar il-Liberta’ tal-Informazzjoni (Kap. 496)

Bħala Awtorita’ Pubblika kull dokument miżmum għandna, inklużi dokumenti relatati mal-proċess ta’ din il-konsultazzjoni, jistgħu jiġu żvelati billi ssir talba għal dokumenti skont l-Att dwar il-Liberta’ tal-Informazzjoni (Kap. 496), sakemm it-talba ma tkunx suġġett għal raġunijiet konklużivi biex dokumenti uffiċjali ma jkunux żvelati taħt dan l-Att.

www.konsultazzjoni.gov.mt

Jekk tixtieq tmur fuq il-paġna ewlenija tal-Konsultazzjonijiet Pubbliċi għafas il-logo t'hawn taħt.