Konsultazzjoni Pubblika dwar Oqsma Tematiċi b’rabta mal-Istrateġija Nazzjonali ta’ Malta għal wara l-Pandemija

KONSULTAZZJONI MAGĦLUQA  

1.        Sfond​

Il-pandemija tal-COVID-19 hija bla dubju l-akbar kriżi globali ta’ din il-ġenerazzjoni, li ppreżentat sfida straordinarja globali għas-saħħa, l-ekonomija u l-għajnuna umanitarja, u li rriżultat f’telf ta’ ħajjiet. Il-pandemija kienet ukoll katalista għal bidliet aċċellerati li diġà kienu qed ibiddlu l-imġiba tas-soċjetà u tan-negozju, bħad-diġitalizzazzjoni u s-sostenibbiltà. Barra minn hekk, il-pandemija għamlet aktar evidenti sfidi oħra bħas-saħħa mentali, l-inugwaljanza soċjali u sfidi oħra tas-soċjetà, u ħolqot pressjonijiet sinifikanti fuq finanzi, kemm tal-Gvern kif ukoll tan-negozji.

Malta tinsab fil-proċess li tfassal Strateġija Nazzjonali għal Wara l-Pandemija li se tiġi ppubblikata sal-aħħar ta’ Ġunju ta’ din is sena. Din hija inizjattiva nazzjonali mmexxija mill-Ministeru għar-Riċerka, l-Innovazzjoni u l-Kordinazzjoni tal-Istrateġija għal wara COVID-19. L-għan ta’ din l-istrateġija hu li tirrifletti kemm fuq l-isfidi li ġew aggravati mill-pandemija, kif ukoll fuq l-opportunitajiet li jistgħu jiġu sfruttati. Il-mira tal-istrateġija hi li tissawwar normalità ġdida, issostni tkabbir ekonomiku, u tiffoka fuq tisħiħ li jilqa’ għal sfidi futuri magħrufa ‘build back better.’ Hija opportunità biex tinbena soċjetà aktar ġusta u inklussiva, biex ikun hemm tranżizzjoni għal prattiki aktar ekoloġiċi u sostenibbli, biex jiġi protett l-ambjent u l-assi naturali ta’ Malta, u biex tinħoloq ekonomija aktar kompetittiva u reżiljenti għall-ġenerazzjonijiet preżenti u futuri.

1. Jipprovdu feedback u kummenti dwar it-tnax-il qasam tematiku identifikati. Dawn l-oqsma tematiċi jista’ jiġu kkonsultati fid-dokument tal-konsultazzjoni pubblika mehmuż;
   
   
2. Jirrakkomandaw inizjattivi strateġiċi u azzjonijiet li jistgħu jittieħdu f’diversi oqsma tematiċi.
   
   
   

3.        Dokumenti

Konsultazzjoni Pubblika dwar Oqsma Tematiċi b’rabta mal-Istrateġija Nazzjonali ta’ Malta għal wara l-Pandemija.pdf

 Għajnuna biex taqra d-dokumenti

4.        Sottomissjonijiet
 

Sottomissjonijiet intbagħtu permezz tal-formola onlajn.

                              

Is-sottomissjonijiet waslu sal-31 ta' Mejju 2021.

 

Grazzi tal-interess u tas-sottomissjonijiet tiegħek.

Dikjarazzjoni dwar il-Protezzjoni tad-Data ir-Regolament Ġenerali dwar il-Protezzjoni tad-Data u l-Att dwar il-Protezzjoni tad-Data (Kapitolu 586)